Amo 1:6-10 | SwhNEN | STEP | Hili ndilo asemalo Bwana : “Kwa dhambi tatu za Gaza, hata kwa dhambi nne, sitaizuia ghadhabu yangu. Kwa sababu walichukua mateka jumuiya nzima na kuwauza kwa Edomu,

Amos 1:6-10

6 ^aHili ndilo asemalo Bwana:

“Kwa dhambi tatu za Gaza,
hata kwa dhambi nne, sitaizuia ghadhabu yangu.
Kwa sababu walichukua mateka jumuiya nzima
na kuwauza kwa Edomu,
7 ^bnitatuma moto juu ya kuta za Gaza
ambao utateketeza ngome zake.
8 ^cNitamwangamiza mfalme wa Ashdodi
na yeye aishikaye fimbo ya utawala katika Ashkeloni.
Nitaugeuza mkono wangu dhidi ya Ekroni,
hadi Mfilisti wa mwisho atakapokufa,”
asema Bwana Mwenyezi.
9 ^dHili ndilo asemalo Bwana:

“Kwa dhambi tatu za Tiro,
hata kwa dhambi nne, sitaizuia ghadhabu yangu.
Kwa sababu ameuza jumuiya nzima ya mateka kwa Edomu,
na kutokujali mapatano ya undugu,
10 ^eNitatuma moto kwenye kuta za Tiro
ambao utateketeza ngome zake.”